Ditën e djeshme, Gjykata caktoi të pushojë çështjen e Agron Tufës ndaj deputetit të Partisë Socialiste, Spartak Braho. Një ditë pas këtij vendimi, ka ardhur reagimi i ish-Drejtorit të Institutit për Studimin e Krimeve dhe pasojave të Komunizmit në Shqipëri, Agron Tufa.
Përmes një postimi në “Facebook”, Tufa shkruan se shumë shpejt do të depozitojë padi të reja edhe më të rënda ndaj Brahos.
“Le të ngazëllejë për pak gazeta ‘Transheja e kuqe’, organ i ish-Sigurimit, veglave të tij dhe qenefeve komuniste-enveriste për pushimin e padisë ndaj Braho & co, me shkak procedurat. Së shpejti do të ketë depozitim për një sërë padish të reja edhe më të rënda, në shkallë të gjerë.
Mos t’i rrejë mendja për tërheqje! Jam qytetar dhe do të respektoj ligjet, derisa të bëhet funksional shteti ligjor. Nuk do të mund të më fshihen dot në të drejtën time të ligjshme para drejtësisë!”, thuhet në mesazhin e Tufës.
