Gjykata ka pezulluar nga detyra nënkryetarin e Bashkisë së Vorës, Genti Picari. Picari u emërua nga Kajmaku ditën që u shkarkua nga KQZ.
Teksa Kajmaku është në kërkim, edhe zëvendësi i tij, sipas Gjykatës Administrative, nuk mund ta ushtrojë më detyrën.
Picari kishte kompetencat e kryetarit të Bashkisë. Ai është pezulluar nga Gjykata Administrative pasi u padit nga Laureta Omeri, e cila ishte faktikisht nënkryetare para se të shkarkohej nga Agim Kajmaku për të emëruar Picarin si nënkryetar të vetëm të Bashkisë.
