Gjykata e Tiranës ka vendosur të të ndryshojë masën e arrestit për Hermes Nikaj, 6 muaj pas arrestimit të tij.
Gjykata ka ndryshuar masën nga “Arrest me burg” në “Arrest shtëpie” për Nikajn, i njohur ndryshe si “Zogu i Tiranës”.
Ky i fundit u lirua gjatë ditës së djeshme nga qelia, ndërsa akuzohet nga Prokuroria për “Shfrytëzim prostitucioni” dhe “Prostitucion”.
Nikaj u vu në pranga disa muaj më parë, pas një hetimi disamujor ku u vunë në përgjim dhjetëra persona dhe u zbardhën biseda ku duket se bëheshin marrëveshje për marrëdhënie seksuale.
“Zogu i Tiranës” u akuzua se ishte i përfshirë në një rrjet të gjerë prostitucioni, duke vënë në shfrytëzim vajza të reja dhe meshkuj, nga të cilët ai merrte përqindjen e tij për çdo marrëdhënie seksuale që ata kryenin.
