Gjykata e Kukësit ka vendosur masën e sigurisë ‘Detyrim paraqitje’, për dy shoqëruesit e këngëtares Fjolla Morina, shoferin Fitimi Muji dhe biznesmenin Fisnik Syla.
Më parë, gjykata kishte vendosur për të dy masën e sigurisë ‘arrest me burg’, për 30 ditë.
Gjykata ka vlerësuar se nuk ka prova të mjaftueshme për fajësimin e shtetasve Fisnik Syla dhe Fitim Muji.
Shoferi dhe biznesmeni ndodheshin së bashku me Morinën, në momentin kur asaj iu gjet armë në makinë.
Ndërkohë, për këngëtaren gjykata vendosi masën e sigurisë ‘Arrest shtëpie’.
Aktualisht, Morina po jeton në një apartament me qera në Kukës, afër gjykatës.
