Gjykata për Krimet e Rënda ka lënë në fuqi masën e sigurisë “arrest shtëpie” për ish-deputetët socialistë Arben Ndoka dhe Arben Çuko.
Në një komunikim për mediat, Ndoka e ka cilësuar jo të drejtë vendimin e gjykatës, duke mohuar akuzat se është i përfshirë në dosjen për falsifikimin e pronave.
“Ata persona që janë të përfshirë në këtë dosje janë persona që duhet të kishin përfituar nga ligji 7051. Të gjithë personat që kanë emrin në dosje nuk kanë lidhje me mua, as kanë qenë miq të mi dhe as nuk kam asnjë marrëveshje për përfitimin e ndonjë prone.
Nuk kam asnjë metër pronë. Nuk jam i përfshirë me asnjë grup apo njerëz që kanë të bëjnë me tjetërsimin apo falsifikimin e pronave. Jam i akuzuar për falsifikim të dokumenteve, ndërkohë që unë nuk kam qenë kurrë drejtues i ndonjë institucioni në Lezhë”, deklaroi Ndoka.
