Pas kërkesës së Partisë Socialiste drejtuar Gjykatës së Durrësit për ta njohur mandatin e Valbona Sakos, ka ardhur edhe vendimi i këtij institucioni.
Gjykata me në krye gjyqtarin Shpëtim Reka, ka vendosur ta vërtetojë mandatin e kandidates socialiste për kryetare bashkie në Durrës. Më herët, Sako deklaroi se do ta apelonte vendimin për mos njohjen e mandatit me arsyetimin se mandati i saj është i ligjshëm.
“Të hënën do ta apeloj vendimin në Gjykatën e Apelit Durrës, për të kërkuar të drejtën time që kam arritur me mund”, tha ajo.
Një ditë më parë Gjykata e argumentoi vendimin duke u shprehur se Partia Bindja Demokratike ishte regjistruar jashtë afatit zyrtar, duke i shpallur garën të pavlefshme.
