Gjykata e Apelit në Shkup vendosi që ish- kryeprokurorja speciale Katica Janeva të mbetet në paraburgim. Ky vendim u dha, pasi Gjykata pohon se ekziston mundësia që Janeva të arratiset.
Kjo e fundit ka dy muaj që ndodhet në paraburgim, për shkak të përfshirjes së saj në rastin korruptiv “Zhvatja”.
Pas përfundimit të hetimeve, avokatët mbrojtës të ish-kryeprokurores, paralajmëruan se do të kërkojnë përsëri që Gjykata Penale të rishikojë vendimin, në mënyrë që Janevës t’i caktohet një masë më e butë sigurie.
