Kryetari i Partisë Demokratike të Socialistëve Millo Gjukanoviç, në një intervistë për mediat serbe ka deklaruar se Mali i Zi nuk ka pasur presion nga perëndimi për pranimin e Kosovës, por ka vendosur të pranojë realitetin me qëllim që të kontribuojë në stabilitietin e rajonit.
Sipas Gjukanoviç, Serbia e ka humbur Kosovën me politikë të pa menduar mirë gjatë viteve 90-ta, dhe tani është duke paguar faturën e së kaluarës. Ai Kosovën e cilësoi si çështje të humbur për Serbinë, dhe çdo thirrje të politikanëve serb se kjo mund të ndryshojë, nuk është gjë tjetër veçse humbje kohe.
