Kryetari i Kuvendit të Maqedonisë, Talat Xhaferri ka reaguar pas vendimit të presidentit për mosdekretimin e gjuhës shqipe. Për Xhaferin, ligji sërish do të kthehet në Kuvend, ndërsa shtoi se nuk është në dijeni të arsyetimit të Ivanov.Ai ka vijuar me bindje se në seancën e parë Kuvendi do të votojë në mënyrë të padiskutueshme.
Teksa është prononcuar për Report Tv, Xhaferi ka nënvizuar se në rivotimi duhet 61 vota, çka la të kuptohet se ky proces nuk ka kthim pas, por gjuha shqipe do të botohet në faqen shqiptare dhe do të nisë zbatimi i saj
“Në rivotim duhet 61 vota, unë mendoj se kemi siguruar votat dhe nuk do të ketë probleme për rivotim, dhe më pas nuk ka nevojë për të dekret nga Presidenti, por do të botohet në Fletoren Zyrtare dhe të nisë zbatimi”-deklaroi ai.
Lifhi për gjuhën shqipe ka hapur një terren debatesh në Maqedoni, ndërsa nuk kanë munguar dhe përpjekjet nga diaspora e largët, ku kanë kërkuar të mosdekretohet gjuha shqipe.
