Ish-deputeti i Partisë Demokratike, Luciano Boçi ka publikuar mesazhet që, sipas tij Partia Bindja Demokratike i dërgon qytetarëve, për t’i kandiduar ata si këshilltar bashkiak të kësaj force politike.
Përmes një postimi në “Facebook”, Boçi denoncon se Bindja Demokratike dhe kryeministri Rama kërkojnë me çdo lloj forme kandidatë për zgjedhjet lokale.
“Ja si BD ‘delfini’ i mazhorancës dhe protektori i saj Rama, kërkojnë të gjejnë kandidatë për zgjedhjet lokale.
Dërgojnë sms kuturu, pa ditur as mendimin e as bindjen e tjetrit dhe i ofrojnë vendin.
Gjuajnë me sms e forma mesazhimi të tjera me qëllim që të kapin kë të kapin e të bërtasin më pas që po bëjmë zgjedhje.
Kush e ha e ha.
Tek e fundit këta nga zyrat i gjuajnë kandidatët, se mbështetës në terren nuk kanë ku të gjejnë”, shkruan Boçi në “Facebook”-un e tij.
