Sot u mblodh Konventa Kombëtare e LSI-së për zgjedhjen e kryetarit të ri. Në konventë, një nga fjalimet kryesore ishte ai i ministres së Integrimit Evropian, Klajda Gjosha.
Gjosha në fjalën e saj deklaroi se konventa u mblodh në një moment kritik dhe situata ku ndodhemi nuk është normale. Ministrja Gjosha tha se LSI ka krijuar kushtet për një të ardhme më të mirë për fëmijët tanë, sepse ka arritur të përcjellë frymën e besimit. Gjosha thirri fort, gjatë konventës, se LSI do të jetë forcë e parë në zgjedhjet e 2017-ës, sepse është një parti suksesi e nuk ka kthim pas.
