Ministrja e Drejtësisë, Etilda Gjonaj, ka njoftuar sot shkarkimin e drejtorit të ALUIZNI-t në qytetin e Vlorës, dhe dy punonjës të tjerë. Gjonaj thotë se nga shtesa pa leje që i është bërë një pallati pranë zonës së Skelës në Vlorë, janë cënuar muret e Kalasë, dhe për këtë shkak është marrë masa drastike për kreun e ALUIZNI-t, Ardian Musta.
“U mor masa largim nga detyra për drejtorin e Drejtorisë Rajonale të ALUIZN-it Vlorë, si dhe përgjegjësin dhe specialistin në këtë drejtori. Kjo masë u mor pasi nuk kanë respektuar procedurat e kërkuar nga ligji në fuqi, në marrjen e vendimit të kualifikimit dhe lejeve të legalizimit’, tha Gjonaj.
Po ashtu janë vërejtur dhe dhjetra shkelje të tjera, ndërsa janë paralajmëruar disa punonjës.
