Vllaznia merr fitoren e dytë radhazi nën drejtimin e Ernest Gjokës. Pas ndeshjes tekniku i shkodranëve është shprehur se kjo fitore do ti ndihmojë të gjithë sa i përket moralit, por më e rëndësishme është se iu larguam disi fundit të tabelës.
“Ishte një fitore e rëndësishme që do të na shërbejë për moralin, që skuadra të arrijë formën e saj më të mirë duhet kohë por në këto momente na interesojnë pikët dhe me këtë fitore i jemi larguar disi fundit. Për Pero Pejic është kënaqësi për çdo trajner ta ketë në skuadër. Po ai për momentin është nën kontratë, unë jam në kontakte të vazhdueshme me të dhe Pero është i lumtur në Kroaci. Për momentin është e pamundur që ai të vijë në kampionatin shqiptar.”
