Policia rrugore në Dibër njofton se kohët e fundit ka një numër të madh denoncimesh jo vetëm nga zonat urbane, por edhe nga ato rurale. Banorët e këtij qyteti janë duke reaguar ndjeshëm ndaj drejtuesve të papërgjegjshëm të mjeteve që qarkullojnë në këtë zonë.
Forcat policore kanë gjobitur ditën e sotme një shofer, i cili kishte shkelur rregullat e qarkullimit rrugor me 10 mijë lekë dhe heqje të patentës për 6 muaj, për shkak se transportonte mbi normën e lejuar.
“Jo vetëm nga qytetet dhe zonat urbane, njoftimet ? dhe telefonatat…?, por edhe nga zonat më të thella banorët kanë filluar të denoncojnë drejtues mjeti të “papërgjegjshëm” për përgjegjësinë që kanë ndaj komunitetit dhe udhëtarëve që qarkullojnë në këto zona me mjete të transportit publik.
Të transportosh mbi 20 persona në një automjet të destinuar për 12 persona për më tepër në rrugë të vështira malore të paasfaltuara është shkelje e rëndë e normave të sjelljes.
Banorët kanë njoftuar Policinë Rrugore të Dibrës, e cila menjëherë ka reaguar duke identifikuar dhe ndëshkuar drejtuesin e mjetit.
OASH e ka ndëshkuar me gjobë 10 mijë lekë edhe pezullim leje drejtimi për 6 muaj.
Siguria e nxënësve, siguria e udhëtarëve është prioritet për Policinë Rrugore.
Bashkë mund të rrisim më shumë parametrat e sigurisë rrugore jo vetëm në rrugët me asfalt, por kudo në zonat malore apo rurale”, njofton policia.
