Anembanë botës, shkencëtarët janë duke punuar intesivisht për të nxjerrë vaksinën, e cila do ti japë fund koronavirusit. Por duket se kjo vaksinë do marrë një kohë të gjatë.
Ekspertët thonë se në variantin më të mirë, do duhej të paktën një vit deri sa gjithçka të konkretizohej. Por ndryshe nga ta, një profesor turk është i mendimit se fundi i muajit prill do të na gjejë me një ilaç.
Profesori turk Ercument Ovali, prej një muaji është mbyllur me stafin e tij, për të gjetur kurën ndaj COVID-19. Ai ka njoftuar se ka gjetur ilaçin kundër koronavirusit, por publikimin e plotë do ta bëjë në datën 23 prill.
“Ilaçi është gati. Le ta dëgjojë bota. Emri i tij është “Dornase Alfa”. Po e publikoj tani, sepse s’kemi ç’presim më. S’mund të sakrifikojme ende jetë njerëzish. Gjilpëra në fjalë e shpartallon virusin për 72 orë dhe i pastron mushkëritë”.
Ilaçi është ekzistues, dhe është prodhuar nga kompania e mirënjohur Rosche. Por nuk dihet nëse do të përkrahet dhe do të mbështetet nga shtete të caktuara.
