Partia Demokratike kërkoi sot mbledhjen e Këshillit Politik të Reformës Zgjedhore, për të diskutuar formulën e zgjedhjes së Komisionit Qendror të Zgjedhjeve.
Por përfaqësuesi i mazhorancës, Damina Gjiknuri u shpreh se propozimi i PD për formulën e emërimit të KQZ “nuk mund të diskutohen më në mbledhjen e radhës”.
Përmes një njoftimi publik drejtuar anëtarëve të opozitës në Këshill, Gjiknuri bën të ditur qëndrimin e PS.
“E gjykojmë një propozim jashtë marrëveshjes dhe traditës parlamentare për rolin e Kuvendit në zgjedhjen e KQZ. Për këtë çështje do të diskutojmë pasi të na sillni paraprakisht një propozim tjetër që respekton faktin që Kuvendi është sovran në zgjedhjen e organit të KQZ duke siguruar edhe konsultimet dhe dakordësimet në lidhje me emrat që plotësojnë kriteret dhe kanë miratimin tuaj. Pra, e theksoj vetëm nëse sillni propozim të ri bazuar në këto parime mund të vazhdojë ky diskutim.
Për pikat e tjera ju lutem specifikoni cilat janë ato përfshirë propozimet alternative që keni duke i dërguar paraprakisht me qëllim që ti japim zgjidhje në mbledhjen e radhës dhe mos humbim kohë me debate të kota. Pra, vetëm pas këtij qartësimi mund të konfirmoj mbledhjen e radhës në çdo kohë”, shkruan ai.
