Neymar 6 muajt e fundit nuk ka kaluar formën e tij më të mirë në fushën e blertë. Si fillim ai u dëmtua në një ndeshje në kampionatin francez dhe u detyrua që të bëjë një ndërhyrje. Ndërsa më pas dështoi me Brazilin në Botërorin e Rusisë, ku shkuan si favoritë.
Por ylli i PSG-së duket se nuk ka ndërmend të dorëzohet dhe me anë të një tatuazhi të shtuar në trupin e tij ka motivuar veten. Në kraharor ai ka bërë një tatuazh, ku shkruan me shkronja kapitale “Gigante por Naturaleza”, që do të thotë “Gjigant nga Natyra”.
Neymar duket mjaft i karikuar për sezonin e ri që do të zhvillojë tek parisienët të cilëve vetëm një ditë më parë u shprehu besnikërinë, duke larguar zërat për një kalim të mundshëm në Madrid.
