Një 62-vjeçare po u vjen në ndihmë fëmijëve të emigrantëve shqiptarë në Holandë. Ajo është Wilna Shaw-Karsemeijer e cila ka qenë në Shqipëri me një mision humanitar ku ka ndihmuar shumë fëmijë në nevojë bashkë me burrin e saj të ndjerë. Por, tani në pamundësi për të ushëtuar larg ajo u vjen në ndihmë fëmijëve të emigrantëve dhe të huajve në përgjithësi, shkruan Tirana Today.
Ajo nuk bën jetë prej luksi, por mirësia e saj është në zemër. Ajo jeton në periferi në një fshat, pranë një ferme ku ajo është rritur.
Në vitin 1991 ajo u takua me burrin e saj, Raymond Shaw nga Irlanda Veriore. Çifti u largua për në Shqipëri në vitin 1994 për të krijuar një organizatë për fëmijët në nevojë në vendin tonë. Puna e tyre në Shqipëri nuk ishte e lehtë, por ajo dhe burri i saj u morën me trajnimin e shumë stafeve që të ndihmonin fëmijët. Por, Shaw u është mirënjohës shqiptarëve për kohën që ka kaluar aty me ta: “Zyra e CEF në Shqipëri furnizon materialin me njëqind kisha në Shqipëri dhe Kosovë. Gjatë Krishtlindjeve të kaluara, fëmijëve u janë shpërndarë 20 mijë këpucë me broshura”, tha ajo.
Në vitin 2007 Shaw u kthye në Holandë. Burri i saj vdiq në vitin 2009. Ajo tani ka një detyrë të re. Ajo është si një pioniere për emigrantët. Ajo punon me fëmijët e emigrantëve, dhe shprehte se kjo ponë e bën atë shumë të lumtur, shkruan rd.nl.
Megjithëse,Shaw është i shqetësuar për prioritete e mirëqenies së fëmijëve të emigrantëve.
“Ka gjithnjë e më pak interes për emigrantët, ndërkohë që ne si shtete kemi shumë për të bërë. Shpresoj që punëtorët që merren me fëmijët të ngrenë zërin. Unë e kuptoj se është e vështirë, sepse ata atë punë kanë. Por çmimi i daljes nga mjerimi i fëmijëve të emigrantëve nuk është I barabartë me asnjë lloj vlere monetare”. TIRANA TODAY
