Gjashtë vjet më parë, familja Rushkulli emigroi drejt Francës. Spartaku, babai, i familjes u godit me thikë dhe humbi një veshkë. Atë kishin tentuar t’a vrisnin në në Shqipëri. Burri i shtëpisë dhe familja e tij ishin në rrezik jete.
https://youtu.be/c1tFMBzu_yc
Banorët e rrethit Eaux-Claires në Grenoble kanë ngritur një britmë alarmi. Që nga vera e kaluar, ata po mobilizohen në mënyrë që kjo familje shqiptare të mos jetojë më në rrugë. Ata duan që dy fëmijët e moshës 4 dhe 6 vjeç të arsimohen në qytet.
Dy fëmijët e familjes tani ndjekin shkollën në rrethin Eaux Claires në Grenoble. Për disa muaj, ata jetonin në mes të rrugës dhe mbeturinave të parafabrikurës Galtier.
Që nga evakuimi i kampit në qershor të vitit 2018, prindërit e nxënësve i kanë ndihmuar. Ata janë kujdesur për familje dhe madje kanë pagur që ajo të jetojë në hotel. Madje vetë banorët lokalë e kanë strehuar atë në shtëpitë e tyre.
Por, së shpejt situatës së kësaj familje do t’i jepet një zgjidhje, raporton france3-regions.francetvinfo.fr.
Një grup prindërish janë mobilizuar dhe bënë një peticion online, ku mblodhën para për familjen.
Sipas prefekturës së Iseres, familja refuzoi në pranverën e vitit 2018 strehimin në Chanas. Për shoqatat, refuzimi ishte i motivuar për arsye shëndetësore dhe shkollore.
Përtej situatës së rrugës, kërcënimet më të mëdha peshojnë në familjen Rushkulli. Familjes i është mohuar azili dhe është e detyruar të largohet nga Franca./TIRANA TODAY/
