Gjermania zgjedh më 26 shtator 2021, pasuesin e Angela Merkel

Qeveria gjermane vendoi të mërkurën që më 26 shtator 2021 të zhvillojë zgjedhjet e përgjithshme për të zgjedhur kreun e ri të ekzekutivit që do të zëvendësojë Angela Merkel-in.

Më herët zonja Merkel ka thanë se nuk do të garojë për një mandat të pestë dhe do të largohet nga politika pas 16 vjetësh në qendër të fuqisë politike dhe ekonomike dhe vendit më të populluar të BE-së.

Largimi i saj do të shënojë fillimin e një epoke të re dhe më pak të sigurtë për politikën gjermane dhe zemrën e Bashkimit Europian.

Gara për të zënë vendin e Merkelit mbetet e hapur, pasi partia Bashkimi Kristian Demokrat është përfshirë nga lufta për kreun e partisë, luftë që u zgjat për shkak të pandemisë.

Momentalisht ka tre kandidatë për postin e kryetarit të partisë më të madhe të Gjermanisë: Kryeministri i landit të Rhine-Westphalia Veriore Armin Laschet, avokati Friedrich Merz dhe eksperti i politikës së jashtme Norbert Rottgen.