Gjermania pezullon përdorimin e vaksinës Astrazeneca, për shkak të dyshohet se mund të ketë efekte anësore te njerëzit, si mpiksja e gjakut.
Ministria e Shëndetësisë tha se vendimi u mor si një “masë paraprake” dhe mbi këshillën e rregullatorit kombëtar të vaksinave të Gjermanisë , Instituti Paul Ehrlich, i cili bëri thirrje për hetime të mëtejshme të rasteve, shkruan ABC News.
Në një deklaratë, ministria tha se Agjencia Evropiane e Barnave do të vendoste “nëse dhe si informacioni i ri do të ndikojë në autorizimin e vaksinës”.
Më herët, Organizata Botërore e Shëndetësisë ka deklaruar se vaskina e AstraZeneca-s është e sigurt, megjithatë disa shtete duke përfshirë së fundmi edhe Gjermaninë, kanë pezulluar përdorimin e saj.
Disa ditë më parë, në aeroportin e Rinasit mbërritën 38.400 doza të vaksinës Astrazeneca, me të cilat do të kryhet vaksinimi i mësuesve dhe pedagogëve.
Nuk duihet ende nëse qeveria shqiptare do të marrë një lloj vendimi apo do të vazhdojë vaksinimin normalisht me dozat nga kompania amerikane.
