“Gjermania nuk është favorite në Botëror, Erdogan është një problem”

Pas pak ditësh do të startojë edhe eventi më i madh i futbollit, Kupa e Botës e cila do të organizohet në Rusi. Pasi ka mbyllur me sukses kampionatin me ekipi e Kukësit, trajneri Peter Pacult është rikthyer në Austri. Ai ka qenë i ftuar në një emision televiziv vendas dhe ka komentuar Botërorin, ku ka theksuar se Gjermania nuk është favorite, pasi Spanja, Brazili dhe Franca duken më të forta. Po ashtu Pacult beson se ajo foto e lojtarëve me Erdogan do të ndikojë tek ekipi i Low.“Duhet të jemi të sinqertë, këtë vit ato nuk janë favoriti kryesor”, tha Pakult i ftuar në një studio televizive në Austri. “Shumë lojtarë të rëndësishëm nuk janë më në të njëjtën formë në vitet e fundit. Kjo ndoshta ka të bëjë me ndryshimet e shumta. Dhe pastaj nëse skandali me foton e Erdogan bëhet problem për lojtarët, sigurisht që do të kthehet në një të tillë edhe për skuadrën”, theksoi trajneri.Austria e tij mungon në këtë turne, por Pakult ka bindjen se në Europian, ajo do të kthehet përsëri mes pjesëmarrësve të turneve madhorë. “Me një trajner të ri si Franko Foda, ekipi do të ketë një motivim të ri”, theksoi tekniku i Kukësit.