Ministri i Brendshëm Horst Seehofer njoftoi të Mërkurën se Gjermania ka ndaluar organizatën islamike Ansaar International dhe disa nga nën-organizatat e saj.
“Rrjeti financon terrorizmin në të gjithë botën me donacione. Nëse doni të luftoni terrorin, duhet të thani burimet e tij të parave”, u shpreh zëdhënësi i Seehofer, Steve Alter në rrjetin social, Twitter.
Bundesinnenminister #Seehofer hat die Vereinigungen „Ansaar International e.V.“ und seine Teilorganisationen verboten. Das Netzwerk finanziert mit Spenden weltweit den Terrorismus. BM #Seehofer: „Wer den Terror bekämpfen will, muss seine Geldquellen austrocknen“.
— Steve Alter (@BMISprecher) May 5, 2021
Organizata Ansaar, me seli në qytetin Dyzeldorf, thotë në statutet e saj se qëllim i saj është të mbështesë projektet për myslimanët në të gjithë botën.
Sipas kryetarit të saj, Ansaar, vetëm në vitin 2018, ka mbledhur dhjetë milionë euro donacione.
Ministria e Brendshme e Gjermanisë tha se fondet kanë për qëllim financimin e grupeve të huaja, të tilla si lëvizja palestineze Hamas, pastaj Al-Shababi i lidhur me Al-Kaidën dhe Al-Nusra.
