Një bombë e mbetur nga Lufta e Dytë Botërore, ka shpërthyer sot në Gjermani. Deri tani mësohet se nga shpërthimi janë plagosur tre persona, ku njëri prej tyre është në gjendje më të rëndë. Sipas brigadës së zjarrfikësve, ka pasur “një deflagrim” në një kantier ndërtimi të Deutsche Bahn pranë Donnersberger Brücke në Mynih. Shpërthimi u dëgjua disa kilometra larg.
Një bombë nga Lufta e Dytë Botërore ka shpërthyer! Gjatë shpimit, punëtorët e ndërtimit hasën në një mjet shpërthyes 250 kg të fshehur në tokë.
Ministri i Brendshëm Joachim Herrmann tha për BILD: “Një bombë avioni prej 250 kg nga Lufta e Dytë Botërore u godit gjatë shpimit. Mbeturinat fluturuan qindra metra”.
Trafiku hekurudhor u pezullua përkohësisht. Policia ka rrethuar zonën. Jashtë kësaj zone nuk ka asnjë rrezik, shkruan policia në Twitter.
“Ne jemi në proces të kujdesit për njerëzit”, tha një zëdhënës i zjarrfikësve në vend. Shkaku i saktë i shpërthimit është i paqartë. Policia tha se deri më tani nuk ka prova për një krim.
Trafiku hekurudhor është plotësisht i paralizuar
Donnersbergerbrücke nuk është larg nga stacioni kryesor i trenit në qendër të Mynihut, në rrugën kryesore të S-Bahn të Mynihut. Vendi i ndërtimit është pjesë e projektit “Linja e dytë kryesore”, në të cilin një linjë shtesë S-Bahn po ndërtohet përmes qendrës së qytetit të Mynihut. Makina të shumta zjarrfikëse dhe rreth 50 shërbime emergjente ishin në vend. Një helikopter i policisë federale qarkulloi mbi zonë.
Burimi i lajmit: BILD. Përshtatur nga Tirana Today
