Gjermani Roth: Shqipëria mund të mbështetet tek ne. Ka dhe një këshillë për opozitën

Ministri i Jashtëm Ditmir Bushati ka zhvilluar një takim me ministrin e Shtetit për Çështje Evropiane në Ministrinë e Jashtme gjermane, Michael Roth. Gjatë një deklaratë të përbashkët për mediat Micheal Roth është shprehur se Shipëria mund të mbështet te Gjermania.  Vetingu sipas tij është një  proces unik dhe një model për vendet e ballkanit. Duke përgëzuar shqiptarët ai tha se nuk mungojnë argumentet për çeljen e negociatave në 17 maj. “Po verifikojmë arritjet në bashkëpunim me Bundestagun dhe pas kësaj do të pozicionohemi për negociatat. Argumentet për çeljen e negociatave nuk mungojnë, perspektiva për në BE është në interesin jo vetëm të qeverisë shqiptare, por edhe tonin, dhe duhet tua shpjegojmë këtë qytetarëve tanë. E mendoj mjaft mirë se çfarë u është dashur të realizojnë qytetarëve tuaj. Duhet të bëjmë përpjekje të mëtejshme, shteti ligjor, drejtësi e pavarur që do të ishin premisa për investime të huaja të mëtejshme në vendin tuaj. Pres prej qeverisë që të vijojë politikën e reformave, pres edhe prej opozitës të ndërmarrë përgjegjësi për të kontribuar në këto procese. Dje bisedova me Bashën, një bisedë mjaft e mirë, sado që të ketë konflikte në politikat e brendshme që është shenjë e një demokracie të gjallë, në cështje të tilla duhet të kalohet përtej konflikteve për një konsensus të përgjithshëm”- tha ai.