Gjermani-Brazil, koha për hakmarrje; Messi nuk luan kundër Spanjës

Supersfida Gjermani-Brazil është një klasike e futbollit botëror një përballje që ka qenë finale e Kupës së Botës, por mbi të gjitha do të mbahet mend për atë rezultat turpërues Gjermani 7 e Brazil 1 në vitin 2014-të.

Trajneri Joachim Loë vlerëson Brazilin aktual si një skuadër që luan mjaft mirë në sulm, por që është e disiplinuar edhe në mbrojtje. Nga ana tjetër, dëshira për të marr hak tek brazilianët është e madhe. Trajneri Tite ka deklaruar se ajo humbje 7-1 ndaj Gjermanisë ende djeg. Brazili është stërvitur në stadiumin e Berlinit dhe do të luajë me më të mirët.

Në Madrid në stadiumin “Wanda Metropolitano” luhet një tjetër miqësore luksi, Spanja pret Argjentinën e Leo Messit. Me më të mirët pritet të luajnë iberikët që duan të provojnë forcat përballë njërës prej favoriteve. Argjentina është në formë pasi pak ditë më parë mundi Italinë 2-0, ndërsa lajmi i keq është që kapiteni Leo Messi nuk është i gatshëm dhe nuk do të luajë ndaj Spanjës.

“Leo Messi nuk do të luajë as kundër Spanjës”, ka qenë mesazhi i publikuar në Twitter nga korrespondenti i ESPN nga Barcelona, Samuel Marsden, që ka shtuar se ky vendim ka qenë më shumë një masë parandaluese, me Barcelona-n që do të zhvillojë analizat dhe testet përkatës kur lojtarit do të kthehet në “Camp Nou”. Ndërkohë, në “Ëembley” është prova e dytë e Italisë së Di Biagios ndaj Anglisë, ndërsa Holanda likuidoi Portugalinë e Cristiano Ronaldos në miqësoren e zhvilluar në Gjenevë. Tulipanët i mposhtën kampionët e Europës 3-0 me golat e shënuar që në pjesën e parë nga Depay, Babel dhe Van Dijk.