Pasiguria ushqimorë për produktet që konsumojmë është në kushte alarmante. AKU, që është dhe autoriteti shtetëror për sigurinë ushqimore thotë së shqiptarët konsumojnë ushqim të sigurt.
Por deri tani ngjarjet dhe ato që janë publikuar në media tregojnë së shumë herë shqiptarët konsumojnë produkte që rrezikojnë seriozisht shëndetin e tyre. Në media është publikuar qumshti, mishi, pijet, jashtë çdo standardi, por edhe produktet me hormone.
Por buka është ajo që konsumojmë çdo ditë dhe në tre vakte, por duket edhe këtu jemi të mashtruar dhe të pasigurt. Top Channel kryen eksperiment me bukën e zezë dhe atë integrale.
E futur në ujë për 60 minuta ajo lëshon ngjyrë, çka do të thotë se gjatë përgatitjes është përdorur ngjyrues ushqimor. Këtë rezultat e konfirmon edhe eksperti i ushqimit Abdyl Sinani.
“Buka nuk duhet të lëshojë ngjyrë. Kjo tregon se ata marri miellin e bardhë dhe i hedhin ngjyrues”, shprehet Abdyl Sinani, që thekson se ka edhe ngjyrues që dëmtojnë rëndë shëndetin e njeriut, deri në kancer.
