20 të vdekur është bilanci negativ si pasojë e të nxehtit që ka mbërthyer Kanadanë. Kushtet ekstreme të motit ka detyruar autoritetet të ngrenë alarmin.
Për të mos pasur një situatë edhe më të rënduar, autoritetet lokale po bëjnë përpjekje për t’iu kundërpërgjigjur kësaj situate përmes freskimit të vendeve publike me ajër të kondicionuar, hapjes së pishinave, shpërndarjes së ujit falas dhe kontrollit mjekësor të personave më të rrezikuar nga vapa, të moshuarit apo ata që vuajnë nga sëmundje kronike.
Shumica e viktimave ishin persona që jetonin vetëm. Forca policore e zjarrfikës kanë vizituar deri tani 15 mijë vetë, për të verifikuar sesi po e përballojnë të nxehtin.
