Një trup i dekompozuar është gjetur pasditen e sotme në zonën e Kurbinit.
Sipas njoftimit të policisë, trupi është gjetur në grykëderdhjen e Ishmit dhe i përket seksit mashkull. Identiteti i viktimës nuk bëhet ende i ditur.
Policia ka shkuar në vendin e ngjarjes dhe po punon për zbardhjen e plotë të saj.
Njoftimi i policisë:
Kurbin, Lezhë
Më datë 25.12.2019, në orët e pasdites, në grykëderdhjen e lumit Ishem, Kurbin, një peshkatar ka konstatuar një trup të pajetë, të seksit mashkull dhe ka lajmëruar Policinë Kufitare të cilët menjëherë kanë shkuar në vendgjarje.
Kufoma është transportuar në morgun e spitalit për ekspertizë mjeko-ligjore.
Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes.
