Një ngjarje e rëndë ka ndodhur sot në Elbasan, në lagjen “Emin Matraxhiu”, ku është qëlluar me armë zjarri nga një automjet.
Mjeti me targa AA616AB është gjetur i djegur në një rrugicë në lagjen ‘5 Maji’, ndërsa mësohet se fatmirësisht nuk ka të lënduar.
Policia ka dhënë versionin zyrtar, ndërsa njofton se dyshohet të jetë qëlluar me armë zjarri në drejtim të Çapajve.
Këto jane fotot e postuara nga BW, të asaj që mbeti nga automjeti pasi iu vu flaka.
Njoftimi i policisë
Më datë 23.12.2017 rreth orës 09:05 në sallën operative ka ardhur një telefonatë për të shtëna me armë në Lagjen “Emin Matraxhiu”
Forca të shumta policie dhe grupi hetimor kanë shkuar menjëherë në vendngjarje dhe nga veprimet e para hetimore kanë konstatuar se:
Në Lagjen “Emin Matraxhiu” në një rrugicë persona të paidentifikuar dyshohen të kenë qëlluar me armë zjarri në drejtim të Capajve.
Më pas në Lagjen “5 Maji” është gjetur i djegur tërësisht një mjet tip “BMW” me targa të dyshuara të falsifikuara.
Shërbimet e policisë po punojnë për zbardhjen e plotë të rrethanave të ngjarjes, identifikimin dhe kapjen e autorit/ve.
