Mediat kroate shkruajnë se një grup zhytësish kroatë kanë zbuluar në reliket e anijes ”Re d’Italia”, e mbytur në detin Adriatik në vitin 1866, gjatë betejës së famshme detare të Lissas, një kasafortë që ndoshta përmban një pasuri prej miliona eurosh.
Sipas një legjende, thuhet se në momentin e mbytjes, anija transportonte një ngarkesë ari që do të duhej të shërbente për shpenzimet e qeverisë provizore italiane në Dalmaci, në rast të fitores së marinës italiane kundër Austrisë, gjatë së ashtuquajturës Lufta e Tretë për Pavarësi.
