Gjendet i pajetë në banesën e tij vëllai i i vrasësit të Naim Zyberit, i cili konsiderohej si i “forti i Tiranës” në vitin 1997.
Uliks Gjenerali (Gjinarari) është gjetur i vdekur nga familjarët mesditën e sotme në shtëpinë e tij në fshatin Lukovë, ndërsa rrethanat e këtij krimi mbeten mister.
Trupi i pajetë është dërguar në morgun e spitalit të Sarandës, ku priten edhe rezultatet e autopsisë.
Viktima është vëllai i Gert Gjeneralit (Gjinararit), i cili u arrestua me akuzën për vrasjen e Naim Zyberit në një spital në Milano, vrasje e kryer në bashkëpunim me mikun e tij, Arben Grori.
Gjenerali u lirua në shkurt të këtij viti pas 19 vitesh burgim, pasi përfitoi lirim me kusht. Nuk kaluan më shumë se vetëm 5 vite nga ekstradimi, kur i akuzuari për vrasjen e bujshme kërkoi nga gjykata e Korçës lirimin me kusht, kërkesë që e bazon në sjelljen shembullore, rehabilitimin e tij dhe rikthimin si i integruar në shoqëri. Në vendimin e gjykatës cilësohej se Gjenerali kishte ‘Marrëdhënie të rregulluara me trashëgimtarët e viktimës’.
