Presidenti francez Emmanuel Macron, duke monitoruar situatën, ka hedhur versionin se edhe gjatë verës priten kufizime të udhëtimeve. Ai ka paralajmëruar qytetarët se u duhet që të jetojnë me virusin, dhe se nuk do të jenë në gjendje të bëjnë udhëtime në vende të huaja. Por për të marrë verdiktin final, presidenti ka thënë se do shihet situata deri në muajin qershor.
“Është shumë shpejt të themi nëse mund të bëjmë pushime. Ajo që mund të them është se do të kufizojmë udhëtimet kryesore ndërkombëtare, madje edhe gjatë pushimeve të verës. Ne do ta shohim më qartë situatën në fillim të qershorit”, u tha Macron gazetarëve, gjatë një vizite në një shkollë jashtë Parisit.
Franca ka vendosur të përfundojë bllokimin në 11 maj. “BBC” shkruan se njerëzit do të lejohen të lëvizin deri në 100 kilometra rreth vendbanimit të tyre, pa një formë leje-marrje. Lëvizja përtej 100 km do të ketë nevojë për leje.
