Marrëdhënia mes Gerard Pique dhe Clara Chia ka një kapitull të ri. Duket se të dy njihen më shumë nga sa mendohej, dhe se partnerja e re e futbollistit mund të kishte takuar fëmijët e Pique dhe Shakirës shumë kohë përpara ndarjes së këtyre dy të fundit.
Sipas Adriana Dorronsoro-s së ‘El programa del verano’, momenti i saktë kur Clara Chia takoi Sashën dhe Milanin ishte gjatë një eventi ku Pique ishte një nga protagonistët.
Me sa duket, e dashura e re e qendërmbrojtësit të Barcelonës do të ishte përgjegjëse për t’u kujdesur për të vegjlit, ndërkohë që futbollisti merrej me detyrimet e tij.
“Ata fituan shumë besim me të”, tha Dorronsoro. Ajo dha edhe detaje për lidhjen mes Clara Chia-s dhe fëmijëve të partnerit të saj: “Ajo ka një marrëdhënie me ta bazuar në të qenit shumë e vëmendshme”.
Nga ana e saj, Marisa Martin-Blazquez dha gjithashtu informacione se çfarë ndodhi në të vërtetë mes Pique dhe Shakirës, pasi këngëtarja kolumbiane mori vesh për tradhtinë e lojtarit katalanas.
“Para së gjithash, ata mohojnë që janë takuar për gjashtë muaj, ata janë takuar për një vit”, raportoi Marisa Martin-Blazquez. “Kur Shakira zbulon tradhtinë, mendoi se ishte diçka e përkohshme, ata flasin dhe angazhohen për të forcuar marrëdhënien e tyre. Ajo (Clara Chia) u ndje keq dhe u lidh me një djalë, dhe kur Pique e mori vesh, ai rifilloi lidhjen”, tha Martin-Blazquez.
Kjo e shtyu Piquen të sigurojë Clara Chia-n se do të divorcohej nga Shakira dhe se ajo ishte prioriteti i tij i ri.
Burimi i lajmit: MARCA. Përshtatur nga Tirana Today
