Patentat shqiptare shumë shpejt do të njihen në një tjetër vend, Turqi. Lajmi është bërë i ditur sot gjatë konferencës së përbashkët të Ministrit të Jashtë në Detyrë Gent Cakaj me homologun turk Mevlüt Çavuşoğlu.
Cakaj vlerësoi mbështetjen e Turqisë për tërmetin e 26 nëntorit. Ai i shprehu ngushëllime homologut turk për viktimat për viktimat e tërmetit që goditi Turqinë së fundmi dhe vlerësoi Turqinë si element stabiliteti në Evropë.
”Mbështetja e ofruar nga Turqia në një prej orëve më të errëta të historisë së Shqipërisë do mbahet mend shumë gjatë. Por, natyra nuk kurseu as Turqinë. Shpreh ngushëllim për jetët e humbura nga tërmeti. Turqia vijon të jetë një ndër kontribuuesit kryesorë dhe mbështetës të Shqipërisë, por jo vetëm edhe të KFOR-it në Kosovë.
Njohim edhe cënimet e sigurisë së Turqisë në kufijtë e saj, por edhe që ka mbajtur miliona refugjatë sirianë në vendin e saj. Ajo është një kontribut i përgjithshëm për sigurinë Evropiane. Ne sot po ashtu kemi nënshkruar tre dokumente apo marrëveshje.
Memorandumi i mirëkuptimit për shkëmbim të diplomatëve. Do të shërbejë për shkëmbim eksperiencash dhe diplomatësh.
Deklaratën e përbashkët, rritje e përpjekjeve në kuadër të organizatave kundër krimit të organizuar ekstremizmit dhe terrorizmit.”- tha Cakaj.
Gjatë konferencës së përbashkët u njoftua se u nënshkruan dhe dy marrëveshje të tjera, ajo për shkëmbin e diplomatëve dhe një marrëveshje bashkëpunimi kundër krimit të organizuar, korrupsionit, ekstremizmit dhe terrorizmit.
