Në puntatën e parë në spektaklin “Zemër Luana”, këngëtari Gena ra në një kuth. Kjo u përgatit nga partnerja e tij, Lori në bashkëpunim me stafin e “Zemër Luana”. Teksa artisti i mirënjohur Gena ishte duke bërë prova për performancat e tij pak para nisjes së spektaklit, atij iu bë një kamera e fshehtë.
Krah tij ishin balerinat e programit të cilat në koreografinë për këngëtarin vendosën disa prekje më shumë seç duhej, për të vendosur në siklet partneren.
Ajo e dinte situatën, por duhet të bëhej xheloze, pasi një nga baleriat i shkon pas Genës dhe i thotë që e pëlqen shumë, di çdo këngë të tij e dëshironte t’i jepte një puthje. Situata agravon me xhelozinë e Lorit, por që Gena në skenë zbuloi se ishte vetëm një kamera e fshehtë.
