Autori i shtatores së shumëpërfolur të Adem Jasharit në Prizren, ka folur pas zhurmës së madhe mediatike dhe pakënaqësive që kanë shpërthyer në rrjet. Teksa ka qenë i ftuar në emisionin “T7”, Alban Buxhovi zbuloi se nuk kishte lidhje me skulpturën, pasi në profesion ishte berber. Përgjigjja e tij duket se e justifikon mesë miri këtë ‘vepër’. Ai u shpreh se kishte punuar për 3 muaj për ta realizuar shtatorën e heroit të luftës, duke e punuar në oborrin e tij, pasi nuk kishte as punishte.
Alban Buxhovi u justifikua më tej duke thënë se skulpturën e ka hobi. “I kam marrë për zemër kritikat unë dhe familja ime….Pasi u vendos aty, erdhën komente negative, nuk e kam pritë kaq shumë me pas kritika, ka pas shumë vlerësime.
Por unë ju kam përkushtuar shumë përmendores së Adem Jasharit, kam punuar tre muaj me shumë përkushtim vetëm me realizuar shtatoren, kam punuar deri në 12:00 të natës, jashtë në oborr se s’kam punishte. E kam hobi, se unë me profesion jam frizer (berber)”, tha Buxhovi.
