Gazetarja Ilda Bejleri ka qenë në fokusin e lajmeve rozë ditët e fundit, teksa ka bërë bujë me lajmin se do largohej nga Digitalb, pas 11 vitesh punë.
Më në fund është zbuluar edhe projekti i ri me të cilin moderatorja do të prezantohet në fillimin e sezonit të ri televiziv. E kontaktuar nga Gazeta Shqiptare, Ilda zbulon për herë të parë detaje të reja nga karriera e saj. Duke pranuar largimin nga Digitalb, ajo rrëfen se do të vijë së shpejti me një projekt në Top Channel.
“Po është e vërtetë që jam larguar, tashmë mund të konfirmoj që do të rikthehem së shpejti në televizion, këtë herë në Top Chanel, megjithatë do të doja që t’ua lija surprizë. E di që tingëllon si ‘cliche’, por do të doja të ishte një surprizë e bukur për të gjithë publikun, ndaj do te presim edhe pak”, është shprehur Ilda.
Ndërkohë që mediat online kanë shkruar edhe për një sherr mes moderatores dhe Shakohoxhës, ku u përfol se faji ishte i Ilda Bejlerit, prej protagonizmit të tepruar që gazetarja kishte. Pa komplekse ajo ka folur edhe për këtë temë, por duke mos ndaluar tek sherri, por tek puna e saj.
“Natyrisht që do isha protagoniste, kam 11 vjet tek Digitalb. Besoj se protagoniste kam qenë në fushën time, në atë që di të bëjë më mirë. Ndaj mendoj që shpërblimin e publikut e kam të merituar”, përfundon ajo.
