Kryetari i Bashkisë së Tiranës, Erion Veliaj refuzoi t’i përgjigjej pyetjeve për ish ministrin e Brendshëm Saimir Tahiri. I ftuar në emisionin “5 pyetje nga Babaramo”, Veliaj tha se nuk shikonte televizor dhe nuk ishte i informuar rreth zhvillimeve të fundit politike.
Në momentin që Veliaj u pyet për Tahirin, kryebashkiakun e tradhtoj fytyra duke ndryshuar menjëherë qëndrim.
Kryebashkiaku tha se informohej vetëm rreth lajmeve që kanë të bëjnë më qytetin që ai drejton. Pasi drejtuesi i emisionit i perifrazoi atë që ka thënë tekstualisht Tahiri, sërish Veliaj refuzoi që të komentonte sepse tha që nuk mund të flasë pa njohur kontekstin.
“Nuk i kam ndjekur. Jam një njeri shumë i lumtur që nuk shoh lajme, fare.
Nëse dikush i ka thënë trembesh, i është përgjigjur në mënyrë popullore që nuk trembem. Çfarë duhet të komentojë kryetari i bashkisë? Duhet të kuptoj konteksin se si e ka thënë këtë deklaratë Saimir Tahiri. Po më citoni diçka që unë nuk e kam parë dhe nuk e di kontestin.
Kam tre vjet që s’jam në parlament, në qeveri, kolegu jonë të përballet me drejtësinë dhe të provojë të drejtën e tij. Duhet pyetur dikush që ka qenë në komision, unë s’kam parë një gjë t tillë. Të provojë të vërtetën e vet.
Në atë komision nuk u dha një provë që të justifikonte arrestin me burg. Saimiri është në këtë qytet, nuk është larguar, është në gatishmëri të kësaj drejtësie.
PS s’i ka ofruar mbrojtje askujt. Ka larguar shumë anëtarë kur ka pasur insinuata për probleme me drejtësinë. PS është e fundit që mund të shantazhohet, nuk është fare ky proces. Pas këtij procesi duhet të vendosë ai se cili do jetë angazhimi politik,” deklaroi Veliaj.
