Buja e fitores 2-1, e Kosovës ndaj Çekisë ditën e djeshme, nuk duket të ketë mbarim.
Pas zhvillinit të ndeshjes, gazetari i The Guardian, Bryan Armen Graham, e ka cilësuar kombëtaren e Kosovës si ‘Brazili i Ballkanit’.
Përmes një postimi në Twitter, gazetari lavdëron skuadrën e Kosovës, teksa thekson faktin se ekipi mbetet i pamposhtur në 15 ndeshje radhazi.
“Kosova është e 120-ta në botë, e pamposhtur në 15 ndeshje, gjatë një periudhe pothuajse dyvjeçare dhe tani e kryesojnë grupin e tyre në kualifikimet për EURO 2020 për të paktën disa orë. Brazili i Ballkanit”, shkruan Bryan Graham.
Në ndeshjen e djeshme, Çekët kaluan të parët në epërsi me golin e shënuar nga Patrik Schick, mirëpo epërsia e tyre zgjati vetëm katër minuta. Vedat Muriqi i barazoi shifrat në minutën e 20-të, pas asistimit që pranoi nga Elbasan Rashani, e që aksioni u fillua nga Bersant Celina.
Pas tri ditësh, Kosova do të takohet me Anglinë në ‘St Mary’s Stadium’ të Southamptonit, e që do të jetë një përballje e vështirë për ekipin kosovar.
Kosovo are 120th in the world, unbeaten in 15 matches over nearly two years and now leading their Euro 2020 qualifying group for at least a few hours. The Brazil of the Balkans. pic.twitter.com/PvRTw7zfVp
— Bryan Armen Graham (@BryanAGraham) September 7, 2019
