Ish-kryeministri Sali Berisha ka lëshuar akuza të forta në adresë të gazetarit investigativ Arta Hoxha, ndërsa ky i fundit po fliste në studion e “Opinion” mbi drogën dhe trafikantët e saj.
Berisha me anë të një postimi në rrjetin social Facebook ka akuzuar Hoxhën, që sipas tij, vetëm një javë pasi i ka marrë dëshminë e një të riu, ai është ekzekutuar, ndërsa shton se Hoxha ka përdhosur viktimën duke e quajtur njeri të pavlerë apo malavitës.
Berisha e quan gënjeshtër mbrojtjen e Hoxhës nga CIA, por thekson se deri sa të gjendet vrasësi i të ndjerit, vetëm gazetari është i dyshuari kryesor i kësaj ngjarjeje.
“Sqaroj këtu se vetëm një jave pasi i mori dëshminë e një të riu ai u ekzekutua, dhe ky i quajtur mender gazetar, si për të justifikuar apo bërë të parëndësishme jetën e një njeriu, përdhos për së vdekuri viktimën e tij duke thënë se edhe ai i ri ishte i malavites (dmth punë e madhe se u vra). Por me këtë rast dua ti përsëris edhe njëherë sharlatanit Artan Hoxha, që trillon së fundi se mbrohet nga CIA, se deri sa të gjejë vrasësin e të ndjerit, dëshmitarit, ai dhe vetëm ai është i dyshuari nr. 1 si hjekes, vrasjes së tij. Pavarësisht nga kjo, ky njeri del në çdo studio televizive duke vjellë lajme të rreme për çdo gjë, dhe që të gjitha sipas urdhërit të atyre që e kanë peng ose e paguajnë, dhe moderatorët fatkeqësisht vetëm sa nuk i thonë sharlatanit, që në çdo fjalë nxjerr një gënjeshtër, se pa ty ne nuk bëjmë dot”- shkroi Berisha.
Por i mënjehershëm ka qenë reagimi i gazetarit duke hedhur poshtë pretendimet e ish-kryeministrit Berisha. Hoxha ka falënderuar Berishën për atë që ka shkruajtur, ndërsa fjalët i cilëson si reklamë duke shtuar se e ka kuptuar shumë mirë mesazhin e koduar në adresë të tij.
Hoxha shkruan se ky është një paralajmërim për të mos kaluar vijën e kuqe, por ndërkohë i ka kujtuar shkrimet e revistës gjermanë Stern, ku Berisha e ka publikuar në faqen e tij. Hoxha shton se edhe aty isha i pranishëm, duke falënderuar edhe njëherë Berishën.
“Po me thua te mos e kaloj vijen e kuqe…Doktor para pak ditesh nga faqja jote shperndave kopertinen e Revistes Stern ku shkruheshin plot 12 faqe per trafikun e narkotikeve, edhe per ate rast faleminderit. Edhe aty une isha doktor…”-shkruan Hoxha.
Postimi i gazetarit Artan Hoxha
Heuuuu breee, doktori paska shkruajtur statusin me te gjate te jetes se vet, dhe ma ka dedikuar mua personalisht. Rrofsh per reklamen Doktor, edhe per kohen e gjate qe paske konsumuar per tu marre me mua. E shoh qe Opinioni i djeshem te paske djeg keq, nuk eshte faji Bac, tjeterkund shikoi fajtoret. E kuptova qarte mesazhin e koduar qe me cove. Po me thua te mos e kaloj vijen e kuqe…Doktor para pak ditesh nga faqja jote shperndave kopertinen e Revistes Stern ku shkruheshin plot 12 faqe per trafikun e narkotikeve, edhe per ate rast faleminderit. Edhe aty une isha doktor…Kaq sa per tani sepse jam duke ecur ne kembe neper shi Doktor, se nuk kam as eskorte dhe as truproje si ti, prandaj nuk kam mundesi te te shkruaj me gjate…
