Aktori i humorit, Gaz Paja prej kohësh ësh të angazhuar në politikë dhe shpesh e kemi parë në aktivitet pranë kryetarit të Bashkisë së Tiranës. Madje ai ka dalë pro planit për prishjen e Teatrit Kombëtar.
Por këtë të shtunë, kur PS çeli fushatën zgjedhore Gaz Paja kishte dhe celebrimin e martesës. Pas ceremonisë në Bashkinë e Tiranës ai ishte dhe në këtë fushatë.
“Gazi, sapo është martuar. Dhe sapo mbaroi celebrimin erdhi dhe do i bashkohet në ekipin e Bashkisë së Tiranës si socialisti më i ri”, tha Veliaj. “E di që këto çuna dhe goca do hyjnë në histori dhe unë dua të jem pjesë e historisë“, tha aktori.
Veliaj ftoi në tribunë edhe Eneda Tarifën, e cila e “ekzaltuar” mbase edhe nga thirrjet në sallë, tha se sikur të kishte lindur nëna nja 3-4 si Erion Veliaj nuk do ta dinim se ku do të ishim sot.
“Nëse do të kishte bërë nëna nja 3-4 si Erion Veliaj, nuk do e dinim ku do të ishim sot. Sepse mjafton të shikojmë ndryshimet rrënjësore për të kuptuar se cila është zgjedhja e duhur për këtë vend. Nuk jam ndonjë simpatizante partie por falë punës së Erion Veliajt ka lezet të dalësh shëtitje më vajzën nëpër qytet”, tha këngëtarja. Në skenë dolën edhe këngëtarja Anxhela Peristeri, si dhe sportistët Luiza Gega e Briken Calja.
