Gennaro Gattuso pas ndeshjes miqësore me Novarën është shprehur se klubi do të bëjë gjithçka për të mbajtur Leonardo Bonuccin në skuadër. PSG dhe Manchester United flitet se janë dy skuadra shumë të interesuara për shërbimet e qendërmbrojtësit italian.
Kapiteni i kuqezinjve, i cili iu bashkua Milanit vetëm 12 muaj më parë nga rivalët e Juventusit, luajti 68’ minuta në fitoren që morën në miqësore ndaj Novarës 2-0. Kjo ishte ndeshja e parë e Milanit për këtë sezon dhe e nisi mjaft mirë, me një fitore.
“Leo është një lojtar dhe profesionist i madh, për momentin duhet të dëgjojmë atë që ai dhe lojtarët e tjerë thonë,” tha Gattuso para gazetarëve.
“Ne duhet të respektojmë zgjedhjet e lojtarëve, natyrisht që ai dëshiron të fitojë, por ne gjithashtu duam të fitojmë, do të presim dhe do të shohim, sepse ai është një lojtar i rëndësishëm që ne duam ta mbajmë me çdo kusht”. Fitorja e Milanit ndaj Novaras erdhi nga golat e Suso dhe Davide Calabria.
