Presidenti i Turqisë, Recep Tayyip Erdoğan, është shprehur i gatshëm për të zhvilluar një takim me kryeministrin grek, Kyriakos Mitsotakis.
Por pavarësisht kësaj deklarate, Erdogan sqaroi se anija “Oruc Reis” do të rikthehet në det për të vijuar kërkimet, sapo të mbarojë remontin.
“Nuk e kam problem të takohem me kryeministrin Grek Kyriakos Mitsotakis. Rëndësi ka çfarë do të diskutojmë dhe në çfarë konteksti do të takohemi”, tha ai.
Erdogan dha një mesazh edhe për presidenten greke, Katerina Sakellaropoulou.
“Nëse Presidenti i Greqisë vjen në Kastellorizo dhe demonstron fuqinë e tij, atëherë ne do të bëjmë edhe më shumë”, u shpreh ai.
Konflikti mes Turqisë dhe Greqisë për Mesdheun Lindor vijon të jetë i ashpër, teksa as ndërhyrja e shteteve të tjera apo organizatave nuk duket se po ndihmon në “uljen e gjakrave”.
