Alarmi është vënë dhe tashmë pritet të që bjerë vetëm gongu i fillimit të një Luftës Bërthamore, e cila është orkestruar pas sulmit kimik në Siri, ku mund të vërë përballë një “konflikti të armatosur ” Rusinë dhe SHBA-në.
Tashmë aleatët si: SHBA, Britania dhe Franca po diskutojnë mbi veprimin ushtarak kundër Sirisë në përgjigje të një sulmi kimik vdekjeprurës dhe kanë fajësuar presidentit sirian Bashar al-Assad.
Presidenti i SHBA Donald Trump dy ditë më parë kërcënoi Rusisë për një sulm raketor kundër qeverisë së Asadit, ku kjo deklaratë ishte tronditëse për mbarë botën.
Kërcënimi i tij erdhi në përgjigje të komenteve të bëra nga ambasadori rus në Liban, i cili tha se çdo raketë që do të hidhej në Siri, do të rrëzohej.
Trump iu përgjigj menjëherë deklaratës së tij duke u shprehur “bëhu gati Rusi”.
Megjithatë, një goditje me raketa në bazat ajrore siriane ku ndodhet personeli ushtarak rus ngre perspektivën e konfliktit të drejtpërdrejtë me Vladimir Putinin.
Ndërsa bota pret në vendimin e Trump, një sistem i pavarur i alarmit të luftës bërthamore ka lëshuar një deklaratë duke paralajmëruar konfrontimin midis Rusisë dhe SHBA-së.
Gjendja e gatishmërisë së mbrojtjes, e njohur si DEFCON, është një sistem alarmues i përdorur nga ushtria amerikane për të treguar rrezikun e luftës bërthamore.
Sistemi ka pesë nivele të gatishmërisë, ose gjendje alarmi, duke u rritur në ashpërsi nga DEFCON 5 në DEFCON 1, më i rëndi.
Niveli zyrtar i DEFCON është 5 – gjendja më e ulët e gatishmërisë.
Por DEFCON Warning System, një grup privat i inteligjencës që ka monitoruar kërcënimet bërthamore në SHBA që nga 1984, ka lëshuar një mesazh duke paralajmëruar një gjendje alarmi në nivelin 4.
Në një deklaratë, DEFCON Warning System tha:
“Sulmi kimik i kohëve të fundit në Siri ka vendosur si Rusinë dhe Shtetet e Bashkuara në një pozitë të konfliktit të armatosur të mundshëm. Ka raporte të ndryshme për vendosjen e aseteve ushtarake, dhe Rusia dhe Siria besojnë se një sulm nga Shtetet e Bashkuara është i afërt. Rusia dhe Shtetet e Bashkuara kanë folur në terma të forta lidhur me këtë incident. Shtetet e Bashkuara kanë deklaruar se duhet të marrin masa vendimtare dhe Rusia ka deklaruar se do të reagojë në mënyrë agresive kundër çdo sulmuesi. Secili ka vendosur veten në një pozitë në të cilën duhet të ndërmarrë veprime, dhe çdo gjë më pak do të shihet si e dobët ose mungesë e vendosmërisë”. TIRANA TODAY
