Juventusi shkarkoi Maurizio Sarrin ditën e djeshme dhe nuk humbi shumë kohë për të zgjedhur pasuesin e tij.
Drejtuesit e bardhezinjve vendosën t’i besonin Andrea Pirlo-s.
41-vjeçari firmosi një kontratë deri në vitin 2022 me kampionët e Italisë dhe ka thënë fjalët e para si trajneri i Juves, me anë të një postimi në rrjetet sociale:
“Jam i lumtur dhe krenar për respektin dhe besimin që kam marrë nga Juventusi. Jam gati të nis këtë aventurë fantastike”.
