Në Itali duket se është arritur marrëveshja për formimin e qeverisë së re, mes Partisë Demokratike dhe Lëvizjes Pesë Yjet.
Mediat italiane raportojnë se Kryetari i dhomës së deputetëve Roberto Fico, i cili është emëruar nga Presidenti si kryenegociator për arritjen e një marrëveshje qeverisëse, është takuar me përfaqësuesit e “Lëvizjes 5 Yjet” dhe Partisë Demokratike.
Mësohet se Partia Demokratike, përmes kryetarit të përkohshëm të saj Maurizio Martina, ka deklaruar se kjo e është e gatshme për këtë formë të re qeverisëse, me kusht që “Lëvizja 5 Yjet” të mbyllë dialogun me Partinë Lidhja, dhe të konfirmojë pamundësinë e një aleance qeverisëse me qendrën e djathtë italiane.
Ndërkaq, vijojnë negociatat për marrëveshjen e re, dhe kryenegociatori Roberto Fico po zhvillon bisedimet me përfaqësuesit e “Lëvizjes 5 Yjet”, të cilët nëse pranojnë këto kërkesa, i hapin rrugë formimit të qeverisë së re.
