Ivan Rakitic ka pritur një “mysafir special” të premten në stërvitjen e Barcelonës, Shkëlzen Gashin. Që prej largimit nga Colorado Rapids, ish-sulmuesi i Kombëtares shqiptare vazhdon të jetë pa skuadër.
Kështu, 30-vjeçari po gjen kohë që të vizitojë vende të ndryshme dhe së fundmi ka qenë në Barcelonë. Ai është takuar me mesfushorin, Ivan Rakitic, dhe i kanë dhuruar njëri-tjetrit nga një fanellë.
Gashi i dhuroi mesfushorit kroart fanellën e Shqipërisë, ndërsa në kthim mori atë të Barcelonës.
“Mysafir special, Grande bro Shkëlzen Gashi”, shkroi në Instagram Rakitici, teksa publikoi dy fotografi.
