Më 12 prill 1961, Bashkimi Sovjetik njoftoi mbarë botën se kozmonauti Juri Gagarin, ishte bërë njeriu i parë që po udhëtonte në orbitën e Tokës. Për sovjetikët, ky ishte një vërtetim spektakolar i epersisë së sistemit komunist. Por shumë njerëz, nuk e dinin se përpara fatlumit Gagarin, kozmonautë të tjerë ishin lëshuar në hapësirë, për të mos u kthyer më kurrë prej andej.
Për gati gjysmë shekulli, rusët u munduan t’i mbanin të fshehta këto ngjarje tragjike. Por në fundin e viteve 1950, dy vëllezër fizikantë në Itali, arritën të kapin me radar komunikimin në radio të njerit prej astronautëve sovjetikë, që po jepte shpirt si pasojë e asfiksisë në kapsulën e tij. Dëshmia e tyre bëri bujë në Perëndim. Por Moska e hodhi poshtë si një diversion të kapitalistëve ziliqarë, që donin të errësonin suksesin e Bashkimit Sovjetik.
Vetëm në vitin 2001 njëri nga inxhinierët përgjegjës për misionet, pranoi vdekjen e 4 kozmonautëve në hapësirë, që nuk mundën të kthehen dot në Tokë. Ndërkohë një tjetër komzonaut sovjetik, vdiq pas një ulje të fortë në Tokë, vetëm pak javë pas njoftimit mbi udhëtimin e suksesshëm të Gagarin. Mungesa e transparencës për ngjarjet e rënda, ka qenë normë në Rusinë komuniste. Ndaj shumë ekspertë dyshojnë se numri i komzonautëve, të mbetur përjetësisht në hapësirë mund të jetë shumë më i lartë.
