I arrestuar në vitin 2016, si pjesë e hetimi të dyshuar se kishte pajisur me armë Mohamed Lahouaiej-Bouhlel, i cili kreu një sulm dy vjet më parë në Nisë, shqiptari Aleksandër. H, i kishte hedhur poshtë herë pas here akuzat. Por në fillim të qershorit në qelinë e paraburgimit shqiptari kishte kryer vetëvrasje, ndërsa priste që të njihej me masën e sigurisë.
Ai herë pas here qëndronte në dritaren e qelisë, por një ditë ai ishte futur në dhomën e vogël në burgun e Fleury-Merogis (Essonne), ku dhe ishte vetëvrarë.. Më 8 qershor, i lodhur nga akuzat e pabaza, Aleksandër H., 38 vjeç, bëri vetëvrasje menjëherë pas mesditë. Ai kishte varë vetën me një çarçaf duke e lidhur në shufruat e dritares.
I paditur ishte akuzuar që ishte i përfshirë në sulmin në Nisë (ku u vranë 86 persona dhe 458 të tjerë mbetën të plagosur më 14 korrik 2016). Por, shqiptari asnjëherë nuk i kishte pranuar akuzat që rendonin mbi të.
I lindur më 24 mars 1980 në Gjocaj, Shqipëri, ai e dinte se akuzat për terrorizëm për të ishin shumë të renda. Ai thuhej se kishte bashkëpunuar me Mohamed Lahouaiej-Bouhlel, i cili kishte futur një kamion mes turmës në Promenade des Anglais. Ironikisht, Aleksander H. kishte qenë atë natë në sheshin Massena, disa qindra metra nga kamioni i përgjakur, me bashkëshorten e tij, Liljana dhe me djalin e tyre 17-muajsh, Ludovik. Para se të ishte një bashkëpunëtor i dyshuar, ai mund të kishte qenë viktimë.
Por 6 muaj pas sulmit të rëndë polici kishte ndaluar Aleksander H. Në atë kohë, babai i ri po punonte për të zezë dhe paguhej 800 euro në muaj. Ai dhe familja e tij po qëndronin ilegalisht në një apartament në “Diu”. Më 12 dhjetor 2016, kur nën-departamenti anti-terrorist i PJ (Sdat) e thërret atë dhe i thotë se i kishte dhen një armë kallashnikov Lahouaiej-Bouhlel. Menjëherë gjyqtarët e dërguan në paraburgim. “Kur e takova, ai ishte i bindur, i sigurt se drejtësia do të kuptonte shpejt se nuk kishte lidhje me terrorizmin”, kujton avokatja e tij, Olivia Ronen. Ajo thotë: “Nëse besoni te Perëndia, nuk e bëni kurrë atë aktet terrorist. Aleksander H. pohoi se ishte i krishterë, dhe ishte një mijë milje larg nga doktrina xhihadiste. Klienti im gjithnjë më thoshte:” Ky kostum është shumë i madh për mua!”
Ai u akuzua gabimisht për terrorizëm, dhe u gjet i varur në Fleury. Më 5 qershor, një debat për zgjatjen e paraburgimit të tij ndodh përsëri në gjykatë.
Por, katër ditë më vonë Aleksander H. varet veten në orën 14:52, pak ditë para se prokuroria dhe gjyqtari për çështjen do të merrnin vendimin për të. Ata synonin që ta akuzonin vetëm për trafik armësh dhe jo por terrorizëm. Një ditë pas vdekjes së tij, avokati i tij, Olivia Ronen, po përpiqej të lidhej me ambasadën shqiptare që trupi i të ndjerit të dërgohej në Shqipëri.
Burimi: liberation.fr
Përshtati: Tirana Today
